कष्टतोसि भारी हो मज दीना कारणें ॥
क्रम थोर जाला तुज भारि मी काय करुं ॥१॥
’बहु’ अन्याइ मी फार हो किती वाहसिल माझा भार ॥
माय माझि कृपाळू तूं फार हो मज लागीं ॥२॥
धेनु जाय चरायासी वेगि येई वत्सा पासि ॥
तैसा स्नेहाळु तूं होसी रे कृपावंता ॥३॥
माझें नाहीं पुण्य फार हो ॥
किती वाहसील माझा भार ॥
नाहीं मज घडली सेवा फार हो तुझी देवा ॥४॥
’ऐसा’ अन्यायीं मी आहे हो (भक्ति) नकळे मज कांहीं ॥
कर्मे घडली नाहीं फार हो (मायबापा) मोरेश्वरा ॥५॥
नवविधाही भक्ति हो नाहीं मज ठावकी ॥
पूर्व पुण्य नाहीं माझे रे कृपावंता (दयावंता) ॥६॥
आझून बापा मज हो नव्हतें रे कळलें ॥
पतित पावन नाम साच केले ॥७॥
दीन वचनि विनवितो हो नाम तुझें मागतो ॥
चिंतामणी दास हो विनंति करि ॥८॥