चरणी लाउनी तारी तूं कृपावंता रे ॥
जडजीव तूज नेणती सर्वथा ॥
भूमिभार शरीर जाईल वृथा ॥
दिनवत्सल तारीं तूं गणनाथा रे ॥१॥
तूझे निजरुप लक्षिता नयनी ॥
महादोष हरति ततक्षणीं रे ॥
ऋषिमुनि ध्याती तुज लागोनि ॥
तुझें नाम दुर्लभ चिंतामणी रे ॥२॥
तुझ्या चरणीं मज जाला विश्वास ॥
झणी धरशिल मज तूं उदास रे ॥
तुझें नाम ध्यातों अहर्निशी ॥
चुकवि आयागमन तोडि पाश रे ॥३॥
अष्टमा सिद्धि वोळंगती तुझें पासी ॥
तुझा पार तो बा न कळे वेदासि रे ॥
मोरया गोसावी योगि हा पुण्यराशी ॥
नाम संकीर्तन अखंड मानसि हो चरणी ॥४॥