निळकंठा परशुधरा ये ये हा शक्ति श्रीवरा ॥
प्रभा करा एक भावे अर्चन करावें ॥
पंचमूर्तिच्या ठाईं ज्यानें ये ये हा द्वैत धरिलें ॥
आपुलें कर्मे करुन त्यानें नरक साधिलें ॥१॥
वरेण्या ते स्वमुखें करुनी ये वे हा गीता सांगितली ॥
उत्तम योगाची ती खूण तेथें जाणविली ॥२॥
गजानन अनंत रुपीं ये ये हा आहे कीं साचा ॥
मायाजाळे मंद मतिसी अनुमान कैचा ॥३॥
यास्तव तुजला प्रार्थितो ये ये हा मना समजावे ॥
गजाननाचे सर्व भावे नामचि वदावे ॥४॥
योगादिक साधनें ये ये हा कशास करावे ॥
स्वल्प प्रयत्ने नित्याभ्यासे मुक्ति सेवावे ॥५॥
मोरया गोसावी यांचे ये ये हा वंशि किंकर ॥
धरणिधर वरद कृपेनें सुखि निरंतर ॥६॥