स्वानंदपुरींचा रहिवासीं आला ॥
आह्मासी भेटला मोरेश्वरीं ॥१॥
आहो मुर्ती गोजिरवाणी सेंदूर साजिरीं ॥
सिंहासनावरी मिरवतसे ॥२॥
आहो कोटिकंदर्पाला ओवाळुनी टाका ॥
सिद्धीच्या नायका वरोनियां ॥३॥
आहो ज्याच्या बीरुदाचा ॥
त्रैलोकी दणाणा ॥ पतिपावन नाम गर्जे ॥४॥
(माझ्या) वडिलांनीं जोडी जोडी केली ह्या पायाचीं ॥
हीच हो आमूची कामधेनू ॥५॥
आहो याजवीण आह्मा अन्य नसे कोणी ॥
मछीया जीवन तैशापरी ॥६॥
(मोरया) माझी लज्जा रक्षी सर्वही दिनानाथा ॥
तुजवीन आह्मा कोण आहे ॥७॥
आहो महाद्वारीं उभा उभा कर जोडुनियां ॥
भक्ती दान मोरया देंई मज ॥८॥
आहो मोरया गोसाव्यांच्या वंशींचा किंकर ॥
मागें निरंतर हेंचि सुख ॥९॥