माझी मयुरपुरी हेचि पंढरी ॥ नाम गर्जे अंबरीं ॥
माझी विठ्ठल मुर्ती देउळांत ॥ शोभे शेंदुर चर्चिंत ॥
आहो दुर्वांकुर तुळसी दळ ॥ शोभे शिरीं अद्भूत ॥माझी म० ॥१॥
आहो शुंडा दंड कटीवरी ॥ शोभे हाताच्या परी ॥
भक्ती भाव दृढ धरी ॥ पाय तया विटेवरी ॥माझी म० ॥२॥
माझी रुक्मिणी राधा सिद्धी बुद्धी ॥ वरी चवरे ढाळिती ॥
नित्य भेटि देऊनियां ॥ दिधली भक्ताच्या आधिं ॥माझी म० ॥३॥
ब्रह्म कमंडलू भीम गंगा ॥ गणेशतीर्थ चंद्रभागा ॥
तेहतिस कोटी देव येती ॥ नित्य स्नानाच्या योगा ॥माझी म० ॥४॥
आहो भैरवभाई पुंडलिक ॥ कल्पवृक्ष कळंबक ॥
विघ्नेश्वर दास बोले ॥ सुक्ष्म गाईचा रक्षक ॥
माझी मयुरपूरी हेचि पंढरीं ॥ नाम गर्जे अंबरीं ॥५॥