HOME|
मराठी मुख्य सूची|
मराठी साहित्य|
गाणी व कविता|
कुसुमाग्रज|
विशाखा संग्रह २|
विजयोन्माद
’कुसुमाग्रज’ या टोपणनावाने श्री. विष्णू वामन शिरवाडकर (१९१२-१९९९) यांनी मराठीत लेखन केले.
विजयोन्माद
मी जिंकलो ! मी जिंकलो !
ओतीत या विष सर्प हो
जहरी भरा जगि दर्प हो
गिळण्या हलाहल शंकरा
परि शक्त मी अजि जाहलो
मी जिंकलो ! मी जिंकलो !
शरवृष्टि वक्षी होउ द्या
उल्का नभातुन वर्षु द्या
दावानली दडु द्या दिशा
निःशंक त्यातुन चाललो
मी जिंकलो ! मी जिंकलो !
कर वादळा, वर तांडव
शिरि घाल विद्युत-मांडव
उरि शैल वा, सायुज्यता
वज्रामधे मी पावलो
मी जिंकलो ! मी जिंकलो !
तेजार्णवी नव पोहलो
आकाश व्यापुनि राहिलो
आता तमा कसली तरी
संजीवनीमधि नाहलो
मी जिंकलो ! मी जिंकलो !
Translation - भाषांतर
N/A
References :
कवी - कुसुमाग्रज
ठिकाण - नाशिक
सन - १९३३
Created by
TransLiteral/ Courtsey {Khapre.org} on
2007-09-25T00:45:18.0698496Z
Comments | अभिप्राय