बलवन्ता, आव्हान
बळीचे बलवन्ता, आव्हान
असेच चालू दे चहुकडुनी अखण्ड शरसंधान् !
रक्ताने न्हाली
तनू ही रक्ताने न्हाली
आणि चाळणी जरी छातिची पिंजुनिया झाली
काळजात उठती
कळा जरि काळजात उठती
बळी गिळाया घारगिधाडे घोटाळत वरती !
लवहि न आशंका
परन्तू लवहि न आशंका
समर पुकारित राहिल नित हा रणशाली डंका !
बुरुजावरति निशाण्
उभे हे बुरुजावरति निशाण
किरीट उज्जवल चढो शिरावर वा होवो शिरकाण !