अशांचें कोण करिल तरि काय? ध्रु०
वस्त्र हवे ज्यां लाज झाकण्या, अन्न ढकलण्या काय १
रडति न ज्यांचीं रांडापोरें, शिवे धनाची न हाय २
दिली तिलांजलि देहसुकावरि काय अशांस अपाय ? ३
खुशाल घाला अशां तुरुंगी, काय अशांचें जाय ? ४
भीती का चतुरंगबल नृपा ? दिला मृत्युशिरिं पाय ! ५
'जनीं जनार्दन' ही हरिसेवा, अन्य न ज्यां व्यवसाय ६
अशांस पाहे वक्र कुणाची ऐशी व्याली माय. ७
दीन जनांची एक काळजी, मनीं दुजीस न ठाय ८
धन्य तुझा गे कुसवा माते ! दैन्य कां न तव जाय ? ९