भोग कुणा सुटले जगिं या ? ध्रु०
सुखदुःखांची अलक्ष्य भेसळ,
द्व्म्द्मूल संसार अमंगल !
येथे कसलें सुख तें केवल ?
मुनिमन या विटलें १
दास जयांचा झाला श्रीहरि
तयां पांडवां सुटली नगरी,
दास बनुनि राबति परक्या घरिं,
मनोदुर्ग फुटले. २
श्रीरामा वनवास भूवरी,
त्यावरि वैरी हरी नोवरी,
दीन वनोवनिं तो वणवण करि, ३
सुख त्याला कुठलें ?
रे रे माझ्या विषण्ण ह्रदया,
दुःखा दे मुख धीर धरुनिया !
स्मरुनि हरी वागेल जो तया
भोग असुनि मिटले ! ४