HOME|
मराठी मुख्य सूची|
मराठी साहित्य|
गाणी व कविता|
भा. रा. तांबे|
संग्रह ४|
संगीत कलेप्रत
भा.रा.तांबे यांच्या कविता अत्यंत हळुवार असून त्या मनाला भिडतात
संगीत कलेप्रत
अतां राहु देइं नाम
भजनिं कळाहीन राम ! ध्रु०
रागरागिणीमधून
ऐश्वर्ये नटुन सजुन
येइ ह्रदयपट उघडुन
राम परमसौख्यधाम ! १
नृत्य करिति तुझे सूर,
भरुनि भरुनि येइ ऊर,
तान-लय-निकुंजिं चूर
राम इंद्रनील शाम ! २
नलगे मज पुजापाठ,
दंभाचा थाटमाट,
गायनि तव ह्या विराट
राम मुनिमनोभिराम ! ३
ऐकतांच तुझी टीप
उजळति जणुं रत्नदीप
स्वर्ग येइ का समीप ?
राम दिसे पूर्णकाम ! ४
ऐकतांच तुझी तान
घेई मन हें विमान.
तमःपटावरि उडाण !
विमल तेजिं घे विराम ५
मनचक्षुच्या भवती
थय थय थय नृत्य करिति
स्वर्ललना ज्योतिष्मति
ही पुजा खरी अकाम ! ६
Translation - भाषांतर
N/A
कवी - भा. रा. तांबे
जाति - जीवनलहरी
राग - तोडी
ठिकाण - लष्कर ग्वाल्हेर
दिनांक - १४ फेब्रुवारी १९३६
Created by
TransLiteral/ Courtsey {Khapre.org} on
2007-09-16T04:30:52.7821424Z
Comments | अभिप्राय